Arduino Dəstləri
Arduino Uno başlanğıc dəstləri — kart, sensorlar, ekran, naqillər və komponentlər bir qutuda. Məktəblilər, tələbələr və elektronikaya yeni başlayanlar üçün ən sərfəli yol: ayrı-ayrı almaqdan ucuzdur və hər şey bir-birinə uyğundur.
Arduino Dəstləri — seçim bələdçisi
Arduino dəsti kartı, sensorları və əsas komponentləri bir qutuda toplayır. Elektronikaya sıfırdan başlayanda hissələri tək-tək seçmək əvəzinə dərhal ilk dövrəni qurmağa imkan verir.
Hansını seçim?
- Əsasları öyrənmək üçün: Dəst #1 və Dəst #3. Hər ikisində Arduino Uno lövhəsi, sensorlar, LED-lər və rezistorlar var, proqramlaşdırmanı və sadə dövrələri bunlarla öyrənmək olur.
- Hərəkət edən layihə üçün: Dəst #2. Lövhə və sensorlara motorlar da əlavə olunub, ona görə robota maraqlananlar üçün daha uyğundur.
Dəstlərin tərkibi eyni deyil. Seçməzdən əvvəl hər dəstin səhifəsinə baxıb layihəniz üçün lazım olan hissələrin içində olduğunu yoxlayın.
Hansı ardıcıllıqla öyrənmək olar?
- LED-i yandırıb söndürmək: proqram yükləməyi və rəqəmsal çıxışı öyrədir.
- Düymə oxumaq: rəqəmsal girişi öyrədir.
- Sensor oxumaq: analoq girişi və dəyəri kompüter ekranında görməyi öyrədir.
- Sensorun dəyərinə görə nəyisə işə salmaq: bütün bu hissələri bir proqramda birləşdirir.
Proqram Arduino IDE-də yazılır. Bu proqram pulsuzdur və Windows, macOS, Linux üçün var. Lövhə kompüterə USB ilə qoşulur, proqram da, enerji də bu xətdən gəlir.
Tipik layihələr
- Düymə ilə işləyən LED, sonra üç LED-li svetofor modeli.
- Temperatur sensorundan gələn dəyəri kompüter ekranında izləmək.
- Sensor siqnalı gələndə motoru işə salan sadə mexanizm.
Əlaqəli kateqoriyalar
Dəst alım, yoxsa ayrıca Arduino kartı?
Hələ nə quracağınızı bilmirsinizsə, dəst rahatdır. Konkret layihəniz varsa, yalnız kartı və lazım olan modulları götürmək daha düzgündür.
Dəstlə işləmək üçün lehim lazımdır?
Əsas dövrələr lehimsiz, breadboard üzərində naqillərlə qurulur. Lehim yalnız layihəni daimi hala gətirəndə lazım olur.



